Aiako Andatza auzoko sanpedroen barruan, 2024ko Emakumeen Gipuzkoako Harri Txiki Txapelketa jokatuko da gaur arratsaldean. Lehia 17:30ean hasiko da, eta, guztira, bederatzi harri-jasotzailek hartuko dute parte; horien artean, hiru zarauztarra izango dira: Maddi Gesalaga, Lierni Osa eta Ainitze Zumeta.
Gainerako sei parte hartzaileak honako hauek dira: Goizeder Abendibar,Garazi Ansa, Estefania Etxebeste, Olaia Esnaola, Udane Esnaola eta Aroa Sanchez, hain zuzen ere.
Hiru harrirekin arituko dira lanean, bakoitzarekin hiru minutuko txanda eginez: 62,5 kiloko zilindrikoa, 62,5 kiloko kubikoa eta 62,5 kiloko bolarekin, alegia. Orotara, altxadi gehien eta pisu gehien jaso duenarentzat izango da garailearen txapela.