Musika Plazatik Iñurritza auzoranzko kalejira alaia herriko jaien ezinbesteko erromesaldia izan ohi da. Atzo, San Pelaio Egunez, Ustekabe txaranga, Zarautz Trik trikitilariak eta Lizarrako dultzaineroekin zeharkatu zuten herritarrek Gipuzkoa kalea, eta askok buruhandiak eta erraldoiak bota dituzten faltan, agian, goizeko topaketako konpartsekin berriz gozatzeko nahia zutelako.
Iñurritzan giro paregabe izan zuten lagun, eguraldi eguzkitsua, erromeria Erromeria.eus bakarlariaren eskutik, beroari aurre egiteko edari freskoak auzoko jai batzordeak jarritako postuan eta hainbat postu, erroskilak, puxika eta jostailuekin. Kuadrillako brusarekin zenbait, jaietako zapi urdin ugari eta aldarte sanoa. Iñurritzako zelaian sortzen den ohiko magia.