Musikaren Egunarekin batera, hiru kontzertu eskaini zituzten Zarauzko abesbatzek atzo arratsaldean Frontoi Txikin. Txinpirineko gazteek ekin zioten jaialdiari 19:00tan, eta hainbat herritar erakarri zituzten frontoira beraien ikuskizuna entzutera.
Jarraian, 21:30etan, Zarazte abesbatzakoen txanda izan zen eta hauen emanaldiaren ondoren, Zarauzko Abesbatza etorri zen. Hainbat kantu abestu zituzten eta gauaz gozatu zuten emanaldia ikustera gerturatu ziren herritarrek.