Vista Alegre auzotik, txikienak iñude eta bañeroz aterako dira. Danbor eta barril jotzaileak kolore horiz jantziko dira. Maddi Garcia Alustiza eta Clara Saizabal Esnalek zuzenduko dute, Igandea txarangaren laguntzarekin; Garcia, gainera, ekitaldiko zuzendari nagusia izango da.
Iñurritzatik, arrain saltzaile eta arrantzaleak desfilatuko dute. Danbor eta barril jotzaileak kolore urdinez jantziko dira. Amale Tamayo Murga eta Jare Iruretagoiena Zabala izango dira zuzendariak; Mauxitza txarangaren eskutik abiatuko dira.
Azkenportutik, plantxatzaile eta arotzak aterako dira. Danbor eta barril jotzaileak kolore berdez jantziko dira. Beñat Zabaleta Orella eta Aiur Zulaika Azkuek zuzenduko dituzte gazteak, Gau-Erdi txarangaren laguntzarekin.
Azkenik, Itsasmenditik, baserritarrak aterako dira. Danbor eta barril jotzaileak kolore gorriz jantziko dira. Anne Lasa Iribar eta Sara Gonzalez-Echavarri Gesalaga izango dira zuzendariak, Pasai txarangaren eskutik.