Aurreko ostiralean jaso zuen Gran Camping Zarautzek Green Key ziurtagiria. Bertan izan ziren Turismo Saila eta udaletxeko ordezkariak, kanpineko zuzendariak eta lan taldea saria jasotzeko. José Palacios ADEACeko lehendakariak banatu zien Green Key saria kanpineko lankideei.
Green Key ingurumenarekin konpromisu handia duten establezimendu turistikoek lortzen duten ziurtagiria da. Gran Camping Zarautz Euskal Herriko lehen kanpina izan da ziurtagiri hau lortzen eta era berean, Gironako (Herrialde Katalana) Cypsela Sandaya Kanpinak ere lortu du. Espainiar Estatuan beste inork ez du lortu ziurtagiri hau.
Ziurtagiria lortzeko, Gran Camping Zarautzek neurri ekologiko eta jasangarriak hartu ditu, besteak beste, hondakinen kudeaketa eraginkorra, uraren eta energien erabilpen arduratsua eta mugirkotasun jasangarriaren sustapena.