Zarautz Abesbatzak jakinarazi du bi abesbatza gazteetan izena emateko epea irekita dagoela, bai Txinpirinen -LH2tik LH5era- eta bai Zarazten -LH6tik 18 urtera-.
Taldeak adierazi duenez, saio horietan ahotsa lantzeaz gain "talde giro onena" ere eskaintzen dutela. Horretaz gain, emanaldiak ere egiten dituztela azaldu du taldeak. Txinpirin abesbatzaren entseguak ostiraletan izaten dira, 18:00etatik 19:00etara, eta Zarazterenak, aldiz, astearteetan eta asteazkenetan, 19:30etik 20:30era.
Izena emateko entsegun egun batean abesbatzaren lokalera gerturatu edo abesbatza.zarautz@gmail.com helbidera idatzi beharko dute interesa dutenek.
Gizon bila
Gizonezkoen ahotsen bila ere jarraitzen du Zarautz Abesbatzak, eta bertan izena emateko gonbidapena ere egin du: "Abestea gustuko baduzu, musikarako belarri ona baduzu eta gogoa baduzu, entsegu egunak astearteetan eta ostegunetan egiten ditugu 20:30etik 22:00etara".