Zarauztarrek ere egun berean ospatuko dute Pagoetako Eguna. Kalejira egingo dute txistulariekin 08:00etan, eta ordu erdi geroago, Pagoetara igoko dira Guria tabernaren paretik abiatuta. Behin gainean, meza izango da 11:30ean, gurutzearen ondoan, eta erromeria egingo dute jarraian. Urtero bezala, jatekoa eta edatekoa izango da Pagoeta Mendizale Elkartearen eskutik. Hala ere, elkarteko kideek gogorarazi nahi izan dute edalontzia norberak eraman beharko duela etxetik salda edota edariak hartzeko.