Ingurumenaren eta Biodibertsitatearen Nazioarteko Egunaren harira, hainbat jarduera antolatu dituzte Zarauzko Udalak eta Eraztun Berde Urdinak asteburu honetarako ere. Bihar arratsaldean, esaterako, itsasoko zaborrei eta mikroplastikoei buruzko sentsibilizazio kanpaina egingo dute, Mater ontzi museoarekin batera. 17:00etatik 19:00a bitartean izango da, malekoiko jolas parkean.
Hurrengo egunean, igandean, Igerain ibaiaren ertzak garbitzeko irteera antolatu dute. Oraingoan Santa Klara atzealdean egingo dute, Amalur parkean, 10:00etatik 12:00etara. Ekimen honetan parte hartzeko, izena eman behar da aurrez, zarautz@eraztunberdeurdina.eus helbidera idatzita edo 943-00 51 59 telefono zenbakira deituta.