Zarauzko Udalak jakitera eman duenez, hasi dira jada Mitxelena kaleko bidegorria berritzeko urbanizazio lanekin. Gipuzkoako Urak konsortzioak Art Eraikuntzak enpresari esleitu zizkion joan den otsailean San Inazio eta Barandiaran kaleetan eta Mitxelenako bidegorrian ur-azpiegiturak berritzeko urbanizazioaren bigarren faseko lanak, 143.480,39 euroko (BEZ kanpo) aurrekontuarekin.
Iñurritzako geltokia eraikitzeko prozesu betean, trenbide gainetik igarotzeko pasabide bat ezarri zuten, eta horrek oztopatu egin zituen ur hornidura sarea berritzeko urbanizazio lanak Mitxelenan. Obrekin dagoeneko hasi dira, eta zortzi aste inguru irautea aurreikusten dute.