Maiatzaren 8an bete zituen 25 urte Zarauzko Haize-Orratz Gaztelekuak eta, urteurrena dela eta, ospakizun bat antolatu dute gazteentzat larunbat honetarako. 16:30etan emango diote hasiera ekitaldiari aurkezpen labur batekin Gaztelekuko kantxan. Jarraian, gazteentzako hiru bat jolas prestatu dituzte eta amaitu ostean, lunch bat eskainiko zaie.
Antolatzaileek azpimarratu nahi izan dute "Udalak bere garaian apustu handia" egin zuela horrelako eremu bat sortzeko, eta "benetako altxor bat" dela herriko gazteek horrelako espazio bat eskura izatea.