Astero egiten dituzten ekintzei jarraipena emateko, beste hitzaldi bat antolatu du Udaberrik. Hain zuzen ere, Ertzaintzaren laguntzarekin, pertsona nagusiei zuzendutako iruzurren prebentzioari buruzko hitzaldia eskainiko dute.
Datuek diote geroz eta ugariagoak direla iruzurrak, eta horien arriskuak hautemateko eta saihesteko moduei buruz jardungo dute hitzaldian. Astelehenean izango da aipatutako hitzaldia, 10:30ean, Udaberriko tabernan.