Imanol Urbieta Udal Musika Eskolak 2024-2025 ikasturteko aurrematrikulazioa zabaldu du gaur. Larunbat honetan, 4 eta 7 urte bitarteko ikasleek kurtso amaierako emanaldia egingo dute, 17:00tan eskolako aretoan.
Izen-ematea hiru modutan egin daiteke, telematikoki Udal Musika Eskolaren webgunean sartuta; telefono bidez, 943-50 65 89 zenbakira deituta; eta aurrez aurre Musika Eskolaren egoitzan (Lapurdi kalea, 7B). Eskola astelehenetik ostegunera dago irekita, 15:30tik 19:30etara, eta ostiraletan, 11:30tik 14:30etara.