Maiatzaren 3an emakume bat hilda aurkitu zuten Donibane Lohizuneko hotel batean, eta haren bikotekidea atxilotu zuten ondoren. Ikerketa abiatu dute "aldez aurretik prestatutako hilketa" izan den argitzeko. Bada Euskal Herriko hainbat txokotan bezala, Zarautzen ere deialdiak egin dituzte gertakaria salatzeko.
Indarkeria sexistaren aurrean autodefentda feminista! lelopean, Morroxkak eta Zarauzko Bilgune Feministak egin du gaur arratsaldean elkarretaratzea, Lege Zaharren enparantzan. "Irmoki" gaitzetsi dute erailketa matxista. Halaber, "babes eta elkartasun osoa" helarazi nahi izan diete hildako emakumearen familiari eta ingurukoei.