Herriko ikasleek jasangarritasuna lantzeko egin dituzten lanak erakutsiko dituzte

Jabi Gonzalez Toston 2024ko mai. 12a, 10:00

Merkatu Plazako lehenengo solairuan zabalduko dute ikasleek egindako eskulan jasangarrien erakusketa. (Zarauzko Udala)

Merkatu Plazako lehen solairuan zabalduko dute energia garbiarekin lotutako eskulanen mostra eta bihartik ostiralera arte iraungo du.

Zarauzko ikastetxeek hainbat jarduera ari dira egiten ikasleekin Agenda 2030 programa lantzeko, eta, hala gaztetxoak Garapen Jasangarriaren Helburuetara gerturatzeko. Lan horretan, energia eskuragarrietan eta ez-kutsatzaileetan sakondu dute azken bi ikasturteetan eta hainbat eskulan egin dituzte. Bada, azken horiek ikusgai izango dira bihartik ostiralera bitartean Merkatu Plazako lehenengo solairuan; izan ere, udalak erakusketa antolatu du herritarrak energia garbia erabiltzearen garrantziaz kontzientziatzeko.

Erakusketa bisitatzeko ordutegia 10:00etatik 13:00etara izango da goizean eta 17:00etatik 19:00etara arratsaldean. Gainera, erakusketak iraun bitartean bertaratzen diren herritarrek eskulan originalenen aldeko botoa eman ahal izango dute. Hiru kategoria bereizi ditzute horretarako ikasleen mailaren arabera: LHko 3. eta 4. mailakoa izango da bat, LHko 5. eta 6. mailakoa beste bat eta DBHko 1. eta 2. mailakoa azkena. Programa amaierako foroan jakinaraziko dituzte irabazleak zein diren.