Zingira urmaeleko flora eta fauna ezagutzeko irteera gidatua egingo dute datorren igandean, apirilaren 14an, Zarautzen. Mikroklima proiektuaren barruan kokatzen da bisita hau eta goizeko 10:00etan abiatuko da Vista Alegreko parkeko sarrera nagusitik.
Bidean zehar, ingurune horretan aurki daitekeen landarediaren eta bizidunen inguruko azalpenak emango dituzte Aranzadi zientzia elkarteko kide Ion Garinek eta Neikerreko Aitor Cevidanesek.
Irteera gidatu honetan parte hartzeko interesa dutenek aurrez izena eman beharko dute 943 00 51 59 telefono zenbakira deituta edo zarautz@eraztunberdeurdina.eus helbidera idatzita.