Arranopola kultur elkarteak uda garairako antolatutako zuzeneko musika emanaldietan parte hartzeko dei egin die herritarrei. Hain justu, Arranopola egitasmoaren barruan Zarauzko bakarlariek, musika taldeek zein bestelako taldeek zuzenekoak eskaintzeko aukera izango dute uztailean eta abuztuan zehar. Ostegunetan izango dira emanaldiak, Musika Plazan.
Hala, parte hartzeko interesa duten guztiak Arranopola kultur elkartearekin jar daitezke harremanetan arranopolazarautz.@gmail.com helbidera mezu bat bidalita.