Hiruputzu gaztetxeak hiru kontzertu hartuko ditu gaur 20:00etatik aurrera. Zaratazarautz kolektiboak antolatu du eta jakinarazi duenez, Bartzelonako Ayucaba, Bremeneko (Alemania) Ex Dom eta Zarautz bertako Peedoh bikotea izango dira oholtza gainera igoko diren taldeak.
Halaber, aurreratu du "distortsioa, abiadura eta zarata eskua emanda" ekarriko dituela talde alemaniarrak, eta, "mala ostiya lau haizetara", berriz, kataluniarrak. Etxekoak, azkenik, "beraien sinfoniekin nazka ematen" arituko dira, antolatzaileen hitzetan.