Arrano tabernan mus txapelketa jokatuko dute ostiral honetan, martxoak 15. Lehia 21:00etan hasiko da, eta izen-ematea 20:00etatik 20:30era egingo dute han bertan. Bikoteko 20 euro ordaindu behar dela jakinarazi dute, baita pizza-potea egongo dela ere.
Sarien berri ere eman dute antolatzaileek: aurreneko bikoteak 300 euro jasoko ditu; bigarrenak, 150 euro; hirugarren bikoteak lau lagunentzako afaria Arranon; eta, azkenik, laugarren bikoteak bi lagunentzako afaria, hori ere Arranon bertan.
Arrano kultur elkarteak 40 urte bete ditu, eta urteurreneko ospakizunen barruan antolatu dute mus txapelketa.
