AP-8 autobidearen Zestoa-Zumaia lotuneko sarrera eta irteera itxita egongo dira bihar Donostiako noranzkoan. Zenbait lan egin behar dituzte bidearen zati horietan, eta ondorioz, sarrera eta irteera ezin izango dira erabili. Gaur gauean itxiko dute bidea, baina 00:00etan egingo dutenez igandea izango da ordurako. Goizeko 10:00etan aurreikusten dute atzera berriro zabaltzea. Bilboko noranzkoa, berriz, irekita egongo da.
Hori horrela, Zumaiatik Zarautzera joateko GI-2633 errepidea erabili beharko dute erabiltzaileek, N-634 errepideak itxita jarraitzen baitu Zarautz eta Getaria artean.