Asteburuan izandako eguraldi kaskarrak utzitako hutsarteetako batez baliatuz, hainbat lagun bertaratu da gaur eguerdian Zarauzko Musika plazara, bertan egin den plaza dantza saiora. Alaken taldeak jarri du musika, baina une bakoitzean zer dantza egitea tokatzen zen argitu ere. Jira eta bira, saltoka eta dantzan aritu dira lagun hauek Korrika Kulturalaren barruan antolatutako saioan.
Korrikaren bueltan Zarautzen antolatutako programazio kulturalaren hurrengo hitzordua datorren igandean izango da, eguerdiko 12:00etan hasita, Modelo aretoan. Jalgi dantza taldearen emanaldia jarraitzeko aukera izango da orduan.