Kamioi baten eta auto baten arteko istripua izan da gaur 02:30 aldera, AP-8 autobidean, Bilbotik Donostiako noranzkoan, Zarauzko ordainsarira iritsi baino 200 metro falta zirela. Segurtasun sailak jakinarazi duenez, ez da zauriturik izan.
Aldiz, ibilgailuak errepidetik baztertzeko, errei bakarra jarri dute erabilgarri Zarauzko zatian. Ondorioz, auto pilaketak sortu dira, hasieran bi kilometrokoak, eta ondoren, Segurtasun sailetik eguneratu dutenez, lau kilometrotakoak.