Arrai Zopa taldea ere kalera irtengo da Santa Ageda bezperan. Ohi bezala, herriko kaleetan ibiliko dira santa eskean igandean, 11:30ean hasi eta 14:00 arte, gutxi gorabehera. Taldeko kideez gain, Aimar Sorazu eta Amets Aizpurua bertsolariak ere ibiliko dira kantuan.
Aurten, gainera, helburu berezi batekin egingo dute kantaldia. Kongoko Bunkeya misioan duten amatasun ospitalera doaz laster herriko hiru emakume, eta bertan laguntzeko dirua jasotzea da asmoa.