Harri salda haurrentzako ikuskizuna eskainiko du Engruna Teatre taldeak bihar, Modelo aretoan. Zarauzko Udaleko Kultura departamentuak eskainita, Zarauzko Hitzak bi sarrera bikoitz zozkatu ditu hedabideko irakurleen artean, eta Eneko Solaberrieta Mendez eta Leire Rezabal Garate izan dira sarituak.
Antzezlanari erreparatuta, Alma izeneko neskaren istorioa kontatuko du. Herrialdetik ihes egin ondoren, leku ezezagun batera iritsiko da Alma non mundu guztiak denetik duen, baina inork ez duen nahi harekin ezer partekatu. Horren aurrean, talde lana eskatzen duen harri zopa prestatuko du protagonistak, eta, modu horretan bizitzari buruzko lezio bat emango die hasiera batean ateak itxi zizkioten guztiei.