Pagoeta Mendizale Elkartearen eskutik, 2012. urtean Nepalen egindako bi trekkingen diaporama edo ikus-entzuneko emanaldia eskainiko ditu Joseba Jauregik ostiral honetan. Irailaren 29tik azaroaren 3a bitartean, dozena bat kidez osatutako taldean joan zen Jauregi, Benentxio Irureta zena buru zutela.
Lehendabiziko ibilaldia hemeretzi egunetan egin zuten: Jirin hasi eta Nanche Bazarrera, handik Gokyo bailaratik igaroz, Everesteko oinarrizko kanpalekura. Beherakoan, Chhukhung bailaran sartu-irteera egin ondoren, Luklan amaitu zuten.
Bigarren ibilaldia, berriz, laburragoa izan zen: 7 egunetan Langtang bailaran ibili ziren. Dhunchen hasi, eta hainbat herri-gunetatik igaro ondoren, Tserko Ri 4.984 metroko mendia igo zuten. Beherako bidean, gune batean beste bide bat hartuz, Dhunchen amaitutako ibilaldia.
Emanaldiak Pagoeta elkartearen egoitzan bertan izango da, 19:00etatik aurrera.