Bergarako Fly Shit hardcore talde mitikoa eta Bartzelonako Brot Bord hardcore-punk taldeak zuzenean ariko dira larunbat honetan Hiruputzu gaztetxean, ZarataZarautzen ekimenez. Aipatu bi taldeek split-binilo bat argitaratu berri dute, eta alde bakoitzean talde bakoitzak bost abesti bildu ditu.
Hain justu ere, disko berria zuzenean aurkezte aldera, bi emanaldi eskainiko dituzte asteburuan Gipuzkoan. Ostiralean Bergarako Kartzela Zaharrean ariko dira, eta larunbatean, berriz, Zarauzko gaztetxean, 20:30ean hasita.