Pagoeta elkarteak irteera antolatu du iganderako eta interesdunek dagoeneko eman dezakete izena. Goizuetako Alduntzin jauregira joango dira, zehazki, eta parte hartu nahi dutenek Mendizabal kinkila-dendan egin dezakete inskripzioa, ohi bezala. Osteguna izango da horretarako azken eguna.
Antolatzaileek zehaztu dute, halaber, 14 kilometroko ibilbide zirkularra egingo dutela eta 650 metroko desnibel metatuta duela. Nondik igaroko diren ere azaldu dute: Alduntzin jauregitik abiatuko dira, eta, handik, Deskantzuko gainera igoko dira. Ondoren, Altzuetako muinotik, Elizburutik, Meatzarretatik, Aritzatuetatik eta Arriurdiñetako harrobitik igaroko dira; hala, Alduntzinera iristeko, atzera berriro.
Pagoetako kideen esanetan, ibilbideak ez du zailtasun teknikorik eta erraz egiteko modukoa da. Hori horrela, aurreikusi dute bost orduan amaituko dutela, eta, ondorioz, bazkalordurako izango direla herrian bueltan. 07:30ean irtengo dira Agoues biribilgunetik.