San Sebastian jaietan murgilduta daude Urteta auzoan, eta gaurkoan herri kirol jaialdia izan da eguerdi partean. Jendez bete da Urtetako frontoia eta Izetaren harri-jasotze eskolako kideen erakustaldia eta ondoren auzotarren arteko herri kirol erronkaz gozatzeko aukera izan dute bertaratu direnek, ezkonduak ezkongabeen aurka aritu dira azken horretan. Gainera, saioa borobiltzeko urteroko sokatira desafioa egin dute, eta aurtengoan ere ezkongabeek irabazi dute erronka. Eguraldia lagun, giro ederra izan da Urtetan eguerdi partean.