Zarauzko Argazkizale Elkarteak antolatutako Ramon Serras 31. Nazioarteko Argazki Mostrak azaroaren amaieran ireki zituen ateak, Sanz Enea kultur etxeko erakusketa aretoan, eta datorren igandera arte egongo da bisitatzeko aukera.
Aurten, ospe handiko Elisa Biagi, Nuria Blanco, Silvia Catalan eta Pedro Luis Ajuriaguerra argazkilarien lanak paratu dituzte. Antolatzaileek oso argi eduki dute emakumeen lanari ikusgarritasuna eman nahi ziotela aurtengo erakusketari, eta hori agerikoa da aretoan.