Gabonetako oporraldia amaituta, atzean geratu dira egun horietan ohikoak izaten diren ospakizunak. Bada, Zarauzko Hitzak Gabonak nola ospatu nahiko lituzketen galdetu zien, hain justu, hedabideko erabiltzaileei joan den abenduan, eta, gehienek, familia giroan egin nahi zutela erantzun zuten. Zehatzago esanda, inkestan parte hartu zuten 62 lagunetatik 34k hautatu zuten aukera hori; %54,84, hain zuzen ere.
Galdeketan hedabideak eman zituen gainerako aukerek jaso zituzten botoei erreparatuta, bestalde, 11 lagunek (%17,74) adierazi zuten ez dituztela Gabonak gustuko, eta, ondorioz, ez zituztela ospatuko, eta, beste bederatzi erabiltzailek (%14,5) oporraldia bidaia bat egiteko baliatzea gustatuko litzaiekeela. Beste bi aukera ere eskaini zituen Zarauzko Hitzak: Gabonak lagunekin ospatzea edo norbere etxean. Bi horiek, ordea, boto gutxien jaso zituztenak izan ziren. Launa baino ez.
