Arraio irratiko Galdedebalde saioko kideek ekitaldi berezia antolatu dute Hiruputzu gaztetxean larunbat gauerako. Ohiko duten umorea ardatz hartuta, bakarrizketak antolatu dituzte eta hainbat gonbidatu ezagunen laguntza izango dute; besteak, beste Antton Telleria, Ana Goitia eta Iker Plazaola. Haiekin batera, irratsaioko bi aurkezleetako bat bat ere igoko da oholtza gainera: Julen Portillo, hain zuzen ere.
Saioa 21:30ean hasiko da eta bertaratu nahi dutenek aldez aurretik erosi beharko dituzte sarrerak. Bihar jarriko dituzte salgai Musika Plazan 5 euroan 19:00etatik aurrera.
Honakoa ez da izango lau umoregileak elkarrekin arituko diren lehenengo aldia; izan ere, 2022ko abenduaren 27an Arrano tabernan eskaini zituzten bakarrizketan. Algarapola egitasmoa estreinatzeko saioa izan zen ordukoa.