Urte berria iristearekin bat, helburua zehaztu du Zarautz Abesbatzak, eta hala jakinarazi nahi die herritarrei: "Zarautz Abesbatzak urte berrirako proiektuak martxan ditu jada, eta gizonezko ahots gehiago nahi ditu. Animatu, eta hasi Zarautz Abesbatzarekin kantuan!".
Deialdian partaide berrien ezaugarriak ere zehaztu dituzte: "Gizon gazte, kantaria, umoretsua eta fina eskatzen dugu taldean parte hartzeko". Eta harremanetarako bi bide jakinarazi dituzte: 630 57 27 30 telefono zenbakira deitzea edo idaztea, edo abesbatza.zarautz@gmail.com helbide elektronikora mezua bidaltzea.
Ia mende erdiko ibilbidea du herriko abesbatzak; hain zuzen, 2023an bete ditu 40 urte, eta kontzertu ederra eskainiz ospatu nahi izan zuten kideek urteurrena.