Gipuzkoako Foru Aldundiaren Gabonetarako kanpaina turistikoaren barruan, Street Scape jarduera antolatu dute hainbat udalerritan, eta atzo arratsaldean egin zuten lehena, Zarautzen. Egitasmoak arrakasta izan zuen, izan ere, bi saioetarako plazak erabat bete ziren, eta parte hartzaileek biziki gozatu zuten esperientziarekin.
Zarauzko eXperientziak enpresa arduratu da jarduera sortzeaz eta kudeatzeaz, eta ohiko scape room-en antzekoa da dinamika, baina kalean. Zarautzen egin ondoren, gaur Zumarragan izango dira eta bihar Tolosan; Ordizian, urtarrilaren 3an, eta Errenterian, urtarrilaren 4an.
Jardueran parte hartzea doakoa da, baina aldez aurretik izena eman behar dute interesdunek, esteka honetan.