EHKS Euskal Herriko Kontseilu Sozialista hasi da bidea egiten. Joan den abenduaren 16an aurkeztu zuten erakunde politikoa ofizialki Eibarko (Gipuzkoa) Astelena pilotalekuan 1.500 lagunen aurrean, eta, gaurtik herriz herri hasiko dira aurkezpenak egiten. Larraunen (Nafarroa) abiatuko dute dinamika eta etzi Zarautzen izango dira.
Hain justu, Gipuzkoan egingo duten lehenengo geldialdia izango da Zarauzkoa, eta, Gaztelekuan jarri dute hitzordua 18:30ean. Zehaztu dutenez, EHKSren jardunaren nondik norakoak azalduko dituzte bertan. Nolanahi ere, jada aurreratu dute Mugimendu Sozialistaren bozeramailea, erreferente politikoa, eta antolakunde nagusia izango dela erakunde sortu berria eta helburu nagusia izango duela langileen artean komunismoa hegemonikoa izatea.