Zarauzko Udalak eguneratu egingo ditu Euskara, Hezkuntza, Kirol eta Parekidetasun departamentuen nahiz Gizarte Zerbitzuen bitartez ematen dituen dirulaguntzen oinarri espezifikoak. Nolanahi ere, erabaki irmorik hartu aurretik, herritarren iritzia jaso nahi du. Horregatik, ikusgai jarri du egin asmo dituen aldaketei buruzko informazioa udalaren web atariko Parte Hartu atalean, eta ekarpenak egiteko aukera ere izango da.
Udalak joan den astean zabaldu zuen proposamenak egiteko epea eta urtarrilaren 4an itxiko du. Aukera baliatu nahi duten herritarrek, beraz, astebete pasatxo dute oraindik horretarako.