Zarauzko Udal Kiroldegiak zabaldu du izen ematea haurrak igeri egiten ikasten hasteko ikastaroetarako. Zehazki, igerileku txikian eskainiko dituzten hiruhileko bakarreko eskoletarako inskripzioak epea da gaur ireki dutena, eta, larunbatean itxiko dute. Zozketa bidez esleituko dituzte plazak eta hilaren 29an jakinaraziko dute emaitzak.
Haurrei zuzendutako ikasturte osoko ikastaroetarako izen ematea, bestalde, asteazkenetik aurrera egin ahal izango da. Igerileku handian eskainiko dituzte ikastaro horiek eta iriste ordenaren arabera esleituko dituzte plazak. Zalantzarik izanez gero, 943-00 51 23 telefonora deitzeko eskatu du kiroldegiak.