Iñaki eta Olatz Salvador osaba-ilobek Familia artean musika emanaldia eskainiko dute ostiralean, abenduaren 22a, Modelo aretoan. 20:00etatan hasiko da saioa eta sarrerak agortuta daude dagoeneko. Nolanahi ere, kontzertua ikusteko txartelik erosi ez dutenek, eta, horretarako interesa dutenek, oraindik badute saioaz gozatzeko azken aukerarik; izan ere, Zarauzko Hitzak bi sarrera bikoitz zozkatuko ditu web atariko erabiltzaileen artean. Zarauzko Udalaren Kultura sailak emandako dira sarrerok eta interesdunek lotura honetan eman dezakete izena zozketan parte hartzeko.
Zozketan parte hartzeko epea zabalik dago jada, eta, ostegunean 16:30ean itxiko du hedabideak. Irabazleak, berriz, emanaldi egunean bertan jakinaraziko ditu, goizean.