Bueltan dira Imanol Urbieta udal musika eskolako doako perkusio master-classak eta etxea aski ongi ezagutzen duen musikari emango du ikastaroa, oraingoan; izan ere, bertako irakaslea den Ander Zulaikak eskainiko du. Eskarmentu handiko musikaria da, gainera, Donostiako Musikenen graduatu baitzen Jazz-bateria jotzaile gisa.
Hori horrela, bihar 18:30etik aurrera musika eskolara gerturatzen direnek aukera ezin hobea izango dute primerako perkusio eskolak jasotzeko. Areto nagusian izango da saioa eta doakoa, aurrekoak bezalaxe. Joseba Gallegok eskaini zuen lehenengo master-classa iazko azaroan eta Rakel Arbeloak bigarrena aurtengo martxoan.