Euskararen Eguna izan zen joan den igandean, eta, hori aitzaki hartuta lehiaketa berezia jarri zuen martxan joan den aste osoan Zarauzko Hitzak: aiton-amonei entzundako euskarazko hitzik politena zehaztea eskatu zuen irakurleei eta jasotako erantzunen artean Euskaraldiko produktu sorta zozkatu du.
Bada, hedabideak jaso dituen hitz guztien artean "zelatan" izan da sariduna. Norbaiti begira ezkutuan aritzearen ekintza azaltzeko erabiltzen da hitz hori eta Leire Zubizarreta erabiltzaileak igorri du. Irabazleak dagoeneko jaso du bere saria.