Aritzbatalde udal kiroldegiak bigarren hiruhilekoko igeriketa ikastaroetako lehenengo plazak nork beteko dituzten jakinarazi du. Lehen hiruhilekoan eskoletan parte hartzerik izan ez duten herritarrei lehenago zabaldu zien izen ematea bigarrengoan plaza lortzeko aukera gehiago izan ditzaten. Behin lehenengo epe hori itxita eta plazak esleituta abenduaren 18tik 23ra izen emateko bigarren epea irekiko du lehenengo hiru hilekoan eskolak jaso zituztenei aukera berrio eskaintzeko; izan ere, plaza asko geratu dira hutsik. Azken horien emaitzak abenduaren 29an emango dituzte ezagutzera.
Hori horrela, honako hauek dira igeriketa ikastaroen bigarren hiruhilekorako jada esleitu dituzten plazak:
- 2023-2024ko haurrentzako igeriketa ikastaroak (bigarren hiruhilekoa). Lehenengo zozketaren emaitzak.
- 2023-2024ko helduentzako igeriketa ikastaroak (bigarren hiruhilekoa). Lehenengo zozketaren emaitzak.
Horrez gain, zehaztu dute jada zabaldu dutela izen ematea ikasturte osoko igeriketa ikastaroetako. Aurrez aritu ez diren interesdunek joan den ostiraletik egin ditzakete inskripzioak eta egun ikastaroetan aritu eta maila gainditzen dutenek, abenduaren 20tik aurrera izango dute hurrengo mailan izen emateko aukera. Edonola ere, informazio gehiagorako edo edozein zalantza argitzeko, Aritzbatalde kiroldegiko harreran galdetu daiteke edo 943-00 51 23 telefono zenbakira deitu.