Ridley Scott zinegile ospetsuak zuzenduriko Napoleon filma emango dute gaur arratsaldeko saio originalean. Hala, jatorrizko hizkuntzan eskainiko dute Napoleon Bonaparteren bizitza oinarri duen pelikula epiko-historikoa 19:30etik aurrera Modelon.
Ikus-entzunezkoak kontatuko du politikari eta militar frantses ezagunak boterera emandako jauzia eta Josefina enperatrizarekin izandako harremana, eta, Joaquin Phoenix eta Vanessa Kirby aktoreak izango ditu protagonista. Bi ordu eta erdiko iraupena du filmak.