Pasa den ostiralean, azaroaren 24an, egin zuten omenaldi ekitaldia, Santa Barbara jatetxean. Aurten 80 lagunek bete dituzte 80 urte eta beste 32k 90 urteak. Bakoitzak zorion txartela, Xabier Txurruka Zarauzko alkatearen agurra, eta bazkarian parte hartzeko gonbidapena jaso zuen.
Udaberri elkarteko kideek azpimarratu duten bezala, "oso giro onean ospatu genuen bazkaria, hamaika historiaren artean, kantuz kantu…".