Itsasoak hondartzara ekarritako hondakinak jasoko dituzte bihar, 11:00etatik aurrera. Itsas Zaintza Sareak antolatutako jarduera da, eta ekimenean parte hartu nahi duenak 619 81 42 25 telefono zenbakira dei dezake edo info@master.eus helbidera idatzi.
"Planetarentzat jasangarriagoak diren ohitura berriak sortze" aldera abiatu zuten Itsas Zaintza Sarea: "Gipuzkoako Foru Aldundiaren laguntzarekin, itsas agenteen sare honek itsas inguruneari buruz duten ezagutza guztia balioetsi nahi du, eta haiek itsasoaren zaintza erreferente bihurtu".