Azaroaren 25aren bueltan antolatutako ekintzen barruan, umorea eta kultura nahasten dituen hitzordua izango da gaur arratsaldean Modelon. Hain zuzen ere, ZtandaP binakako bakarrizketa saioa eskainiko dute Mirari Martiarenak eta Idoia Torregaraik, eta umore klabean arituko dira "betaurreko moreak jantzita", betiere. 20:00etan izango da bakarrizketa, eta sarrera bakoitzak 8 euroko balioa izango du.
Bertan, besteak beste, orgasmo arrakala, maitasun erromantikoa, señorak eta elkarbizitza izango dituzte hizpide. "Kritika egiten, deseraikiz, barre eginez eta eginaraziz eztandarazi eta lehertu nahi ditugu bazterrak", diote aktoreek.