Urtea betetzeko oraindik hilabete falta (abenduan egin zuten aurkezpena) bazaio ere, Merkatua Bizirik elkarteak bere lehenengo urtebetetze festa aurreratzea erabaki du. Hala, joan den otsailean antolatu zuen sorrera festaren antzeko ekitaldia antolatu du etzirako, 18:00etatik 20:00etara egiteko.
Zehaztu dutenez, parrilla eta sagardo txotxa jarriko dituzte, eta, euro batean salduko dituzte pintxoak eta edariak. Horrez gain, bertsoak eta zuzeneko musika izango dira: Zarautz Triki kultur elkarteko eta Arrai zopako kideek trikitixa doinuekin eta euskal kantuekin alaituko dute festa. Haiekin batera, txalapartariak ere izango dira.
Halaber, aurrera begirako asmoen berri emateko eta neguko produktuen aurkezpena egiteko ere baliatuko dute festa Merkatua Birik elkarteko kideek.