Bulego musika taldea izango dute gonbidatu Arraio Irratiko Galdedebalde irratsaioan datorren larunbatean. Gainera, publikoari irekia izango da saioa eta bertaratzen direnek elkarrizketan parte hartzeko aukera izango dute. Bestela esanda, talde azkoitiarreko kideei galderak zuzenean egiteko aukera izango dute.
Nolanahi ere, irratsaiora bertaratzeko nahitaezkoa izango da sarrera izatea. Gaur 18:30etik aurrera jarriko dituzte eskuragarri Hiruputzu gaztetxean. Irratsaioko kideek zehaztu dute, halaber, elkarrizketaz gain, kontzertu akustikoa eskainiko dutela larunbateko saio berezian eta zozketak ere egingo dituztela.