Zarautzen bizi den Ibon Oregi surflari markinarrak bigarren postua eskuratu du Nazioarteko Surf Federazioak antolatutako World Para Surfing Championship txapelketan, gizonezkoen kneel kategorian. Surf munduan aski ezaguna den Kaliforniako (Estatu Batuak) Huntington Beach hirian aritu da Oregi Espainiako selekzioarekin eta bosgarren talde onena izan dira surflari guztiek lortutako emaitzak aintzat hartuta.
Oregik egindako lanari erreparatuta, surflari onena izanda gainditu zituen lehenengo bi kanporaketak eta finalaurrekoan bigarren sailkatuta lortu zuen finalerako txartela. Final handian Llywelyn Williams galestarra nagusitu zen Zarauzko bizilagunaren aurretik.