"Landare espezie inbaditzaileak espazio zabalak betetzen dituzte bertako espezieak desagerraraziz, eta biodibertsitatean kalte handiak eraginez", adierazi dute Zarauzko natur taldeko kideek beraien webgunean. "Natura zaintzeko beharrezkoa da ekosistema bakoitzean garatu behar duten espezie desberdinak babestea. Inbaditzaileek, berriz, kanabera kasu, espazio osoa betetzeko gaitasuna dute eta bertako espezieekin lehiatzeaz gain, hauek desagerrarazteraino iritsi daitezke", gaineratu dute naturazaleek.
Biodibertsitatea gorde
Arkamurkako kideen ustetan, "Naturan garrantzitsua da espezie ezberdinak elkar nahasian egotea, era horretan biodibertsitatea kontserbatzeko beharrezkoak diren baldintzak sortzen direlako. Beraz, kanaberak biotopotikan auzolanean kenduaz lortu dezagun oreka ekologiko hori ahal den egokien mantentzen".
Larunbat goizean egingo da espezie inbaditzaile hauek kentzeko jarduera. Parte hartzeko interesa duten lagunek goizeko 9:00etan egon beharko dute Iñurritza biotopoko sarreran, Kaskatxuri aurrean. Eskularruak eta katiuskak ekartzea gomendatu dute antolatzaileek.