Londresko The Royal Opera House antzokitik zuzenean eskainita, Don Quixote ballet ikuskizunaz gozatzeko parada izango da gaur arratsaldean Zarautzen. Modelo aretoan eskainiko dute, 20:15etik aurrera, eta sarrerak 12 euro balio du; aretoko txarteldegian eskuratu daiteke edo online bidez.
Miguel Cervantesen eleberri klasikoan oinarrituta dagoen ikuskizuna ekoitzi du Carlos Acosta koreografoak. Komedia eta adimena uztartu ditu obran, eta ausardiaz beteriko koreografia landu, Ludwig Minkusen musikarekin. Ballet ikuskizunak hiru ordu eta erdiko iraupena du.