Udaberri jubilatuen elkarteak omenaldia egingo die aurten ere 2023an 80 eta 90 urte bete edo beteko dituzten bazkideei. Elkarteko kideek azaldu dutenez, gutun bat iritsiko zaie pertsona horiei etxera, zorion txartel batekin. Horretaz gain, azaroaren 24ean, ostirala, 13:30ean Santa Barbara jatetxean egingo duten bazkarian parte hartzeko gonbita biltzen duen testu bat ere jasoko dute gutunean.
Gonbidapena jasotzeko, Udaberriren bulegotik pasa beharko dute herritarrek, beraien ordutegian: astelehena, asteartea eta ostirala, 10:00etatik 12:00etara; eta asteazkena eta osteguna, 16:00etatik 18:00etara. Gonbidapena jasotzeko azkeneko eguna, azaroak 20, ostirala, izango da.