Bi hilabetetik gorako atzerapenarekin bada ere, larunbat honetan egingo dute SKAPAko jaietako bertso saioa. Abuztuaren 11ean zuten egitekoa, Santa Klara bigarrenean, baina euria egin zuenez, bertan behera utzi behar izan zuten.
Antolatzaileek Plaza Gorrian jarri dute hitzordua berriro, baina arratsaldean izango da, 18:00etatik aurrera. Gainera, berriro euria egin balu, Gaztelekura lekualdatuko lukete bertso saioa. Oholtza gainean ariko diren bertsolarietan ez da aldaketarik izango, eta, ondorioz, Nerea Elustondo, Unai Iturriaga, Amets Arzallus, Oier Aizpurua eta Maialen Lujanbio izango dira kantuan.